الحلم

تَحِتّى يْبَكّلُو

بْيِمْرُقْ مِتِلْ سِحَّابْ

بِيْدِقّ

ما بِيْفُوتْ .. يِمْكِنْ مِسْتِحِي

تْشُوفُو بِدُون تْيَابْ

صَوْتُو حُلُو .. بِيْرَيّحَكْ

بِتْقُومْ تِفْتَحْلُو

بِتْشُوفْ مافي بْوابْ !

إيْ كِيف السَّما

عَ الأرض بِتْنَزِّلْ شِتِي

وِالْغيْم مَالُو جْيَابْ ؟

بِتْمِدّ إيدَكْ عَ النَّهِرْ

تا تِمِسْكُو
بْيِهْرُبْ .. بِيْفُوت بْغَابْ

بِتْغَيّبُو

وْبِتْحِبّ إنُّو تْسَدّقُو

وِبْتَعِرْفُو كِذَّابْ.