عَـدرا

عصام يوسف *

بْتِمِرْقِي بِالْبـَالْ

شِعْر انْقَـالْ

قَبْـل الدِّنـي .. وأَزْوَدْ

نَهْر السَّمـا

بْيِنْزلْ مِتِلْ شَلاّلْ

بِيْطَوْفِن الْمِزْوَدْ

بْيُـوْلَد بِعَينَيهـا صَبـي

بِتْحَمِّمُو بْعِرْزالْ

بِتْـلَبّسُـو مُوَّالْ

بِتْمَشّطُو بْصَابِيع غِنِّـيِّي

بِتْعَـلّمُو ..

بْعِرس الْقَصايِد .. هالسّمِرْ

يِطْلَع عَ دَرْجـات الْعُمرْ

وِيْحَوِّل الْمَيِّي

خَمِرْ بِجْـرارْ

عَيْـنَيِّـي

ألله .. !!؟؟

في تْنَيْن .. الْجَمـال بْيِأمْرُو

ألله .. خَلَقْ كِلّ الدِّني

وْ هِيِّي ..!!!