وطى الدوَار

وطى الدوّار

بعدَك بْتذكر يا وطى الدوّار

بْتِذكر حْكايتنا

ولْدَين بالأيّام كانو زغار

يِلْفو ع جيرِتنا

يبْقو يِجو قبل الضِّهِر وسْكوت

عا هالطّريق وْفيّ

يعمّرو حد القنايِة بْيوت

وْيِلعبو بالميّ

وْخلْف السّياج اللّي إلو دايِرْ

من شوك الِحْقـالي

يْضَلُّو يْغنُّو شعرْهُن طايِر

وْحالِتُن حالِة

وشو قعدو ساكْتين عبِكْرَا

وِحجـار بِإيْدَيه

نازِل يْزَيِّح عا كعِب سجْرَة

وْهيّي عْيونا عْلَيه

هالزّغـار فلـُّو

صارو كبـار

نِسْيُو جيرِتْنـا

وحدَكْ بْتِذكـُر يا وطى الدوّار

وحدَك حكايِتنا.