أغنيتا مسلسل "لـيـالـي الحِـلـْمِـيّة"

أغنيتا مسلسل "لـيـالـي الحِـلـْمِـيّة"

كلمات: سيّد حجاب

أداء: محمّد الحلو

تلحين: ميشيل المصري

أغنية المقدّمة

- ومنين بييجي الشجنْ؟
* من اختلاف الزمنْ
- ومنين بييجي الهوى؟
* من ائتلاف الهوى
- ومنين بييجي السوادْ؟
* من الطمع والعنادْ
- ومنين بييجي الرضا؟
* من الإيمان بالقضا

من انكسار الروح في دوح الوطنْ
ييجي احتضار الشوق في سجن البدنْ
من اختمار الحلم ييجي النهارْ
يعود غريب الدار لاَهْل وسكنْ

ليه يا زمان ما سبتناش أبريا؟!
وواخدنا ليه في طريق ما منوش رجوعْ؟!
أقسى همومنا يِفجَّر السخريَه
وأصفى ضحكة تتوه في بحر الدموعْ

أغنية النهاية

- ولفين ياخدنا الأنينْ؟
* لليالي ما لْهاشْ عينينْ
- ولفين ياخدنا الحنينْ؟
* لِواحة الحيرانينْ

ما تسرسبيش يا سنينْـنَا من بين إيدينا
ولا تنتهيش دا احنا يا دوب ابتدينا
واللي له أول بكرا حَ يْبان له آخر
وبكرا تفرج مهما ضاقت علينا

بالإمكان الاستماع إلى تسجيل الأغنيتين بالضغط على أحد الرابطين

http://www.youtube.com/watch?v=4DGs-B8ZRV4

http://www.youtube.com/watch?v=jpIceVmHpR8