درب الحب

درب الحب

نجدي حاطوم

ضحكه طفل غنّيه

غنجه صبيه مدلله

بتمسك بأيديها صفير الريح

بتصير نسمهعطر

وبيفوح.

وبيملي العمر أشواق حنيه

الشعر عيون الجبل

ومكحله بنسمات مشتاقه

وكاسات مليانه نعس

بتخاف طله نوم

بتقطف نجم.

بتسهرو يضوي مساحات المدى وخيال.

مشلوح بغصن

تاكي على صدر الوجع ليخدرو

وعاشق

بيبعث جروح التعب

تنقط على وراق العتبكلمات

وبيحمل الآاهات مرجوحه

وبيمرجح بواب الحكي

بينزل مطر وحروف

بيطلع شجر اسموالشعر