ليبقَ اسم ايريس - إلى إياد وأسرة جماليا

ليبقَ اسم ايريس

إلى إياد وأسرة جماليا

ندره ع. يازجي

خييّ اياد الرّاجع مْن العرس

حامل معك وردِة وْغنّيّة

وصورِة عروس مْوشّحة بالغيم

وشعراتها مِن شهُبْ مرْمّية

بْعَتلي شي نسخة منّها.. مشتاق

بوِّسْ إدَيْها... وْجِبلْها هْديّة

كان الحلم نحكيلْها حكايات

نْخليّ صباحا يْطوِّلْ شْويّة

بْرِمش الغلا نسوِّرِلْها البستان

وتبقـا لْنا الايريس محميّة.

* * *

مِيْنْ كـان يعرف هيك رَح بيصير

زهرة شمس ما عِرْفت الفيّة

عين الصبح تغفالْها غفوة

وتْروح تِتْرِكها بَلا مَيّة

* * *

بيخطر بْبّالي خاطر وخايف

من شي حدا ما يفهم عليّ

ببدال اسمي براس هالكلمات

اكتب اسم ايريس.. يا خييّ

طيّب أنا رح حوّلو إلكنْ

كلمة وفا ودمْعـا بْغنيّة

ضلوّ اكْتبو لـْ ايريس أحلى شعر

الصّارت رمز..

كانت مثاليّة.