عَ قدّ ما مِشتـاق

عَ قدّ ما مِشتـاق

ناصر منذر

أول مرّة بحضر حفلة للست فيروز.. سنة 2003 ببيت الدين.. وتحت شجرة بساحة مدرسة الراهبات القريبة ع قصر بيت الدين -اللي استضافتنا-.. كتبت على ورقة كام كلمة.. ما قدرت يومتها وصّلهن للست فيروز.. بركي بفرصة قريبة..

عَ قدّ ما بْيشتاق صوتِك للغِنا

وْ عَ قد ما بيشتاق فقري للغِنا

و عَ قد ما بيشتاق ليلي للقمر

و عَ قد ما بيشتاق عَتمي للسّنَا

و عَ قد ما بيشتاق غصني للثمر

و عَ قد ما بيشتاق زرعي للجَنى

و عَ قد ما بتشتاق أرضي للمطر

و عَ قد ما بيشتاق نبعي للقَنَا

و عَ قد ما بيشتاق كاسي للسهر

و عَ قد ما بيشتاق هَمّي للهَنا

و عَ قد ما بيشتاق عاصي للوتر

عَ قد ما بلحنو مشاعرنا أسَر

ع قد ما تارك بِهالدّنْيِة أثر

و عَ قد ما منصور بالشعر اختمر

عَ قد ما لوّن قصايد بالصور

و عَ قد، يا فيروز، ما أبدَع زياد

عَ قد ما مشتاق ت شوفِك أنا