جوعــان

جـوعـان ياشـاعـر مـتـل سكـيـن

للـجـرح نــصّ اللـيـل جوعـانـي

متـل الشـرف بيجــوع لفلسطيــن

وقِدّيـس جـاع لـْ مـجـد قـربـانـي

جوعـان مـتـل الشـعـر للتّلحـيـن

مـتـل الشـطـر جـوعـان للـتانـي

وفيـروز كلـمـا تـجـوع تنـوريـن

بالبـوسْـطه بْتِبْعَتِـلـْهـا غْـنـانـي

جوعـان مـتـل الـرسـم للتلـويـن

بْـيـِسـأل عَلى فـنـّان طِلـْيـانـي

وجـبـران بالــوادي بْقـنـّوبـيـن

يـاما بـِكـي مِـن جـوع ربـّانــي

ياجَوعـة الشـّربـيـن للشـّربـيـن

بْيِتـْوَشْـوَشُـو بْفـيـّات رِمـّانــِه

جوعان.. ياما اْحلـى العنب والتيـن

الْجـاعُو لْسَلـِّه تْصـيـر مِلْيـانـه

وْجـُوعي معي يـاأرض بِكْوانيــن

بَلْكي السـّمـا بِتْـمَطـِّر عْـيانـي  

تا يِشبـعو الحلـويـن والحلـويـن

يْجوعـو لَشاعـر شعـر إنسـانـي

وإنتو اسْتحـوا يانـاس شِبعـانيـن

وقـْلـوبـْكم بـالعـار هـِفْـتـانِه

سْرقْتوالخبز من نــاس جوعانيـن

سْرقتـو الفـرح من شعب بيعانـي

سْرقتو العَـزا مـن غصّـةِ مْلاييـن

سْرقـتـو تـعـب أمّـات سِهرانـه

وْمابْتِشبـَعـو إنـتـو يافجْعـانيـن

فجـْعـة ضبـِعْ بـِجْـبال بـِردانـي

سْرقتـو كرامـةْ نـاس شِقيانـيـن  

فْتـَحـْتـو جْروح وْلاد عـِريـانـه

عْصَرْتـُو قْلـوب ألـوف تعبانـيـن

شْربتـو دمــوع النـاس بقنـانـي

لكـنْ مافيـكـم عَ الشـعر والديـن

وْعــاقـدّ مابـْتـِبـْقـى سـما ألله

فيـنـا سَمـَـا الإلهـام بـِقـْيانـه.