ياريت

يــا ريــت فـيـي ظـلّـنـي مـعـكـن

إنـتـو يــا أغـلـى نــاس بعـيـونـي

ودّيــت شـِعـري عـــا مسامـِعْـكــن

شعـري احْفَـظـوا وما بـِزْعَـل انْسـونـي

يــا ريـتـِك الشـّمـعـة تـَ إطفـيـكـي

وعـا جـمـر خـيـط الــروح  مشّيـكـي

وإنـتـي تـذوبـي وفــوق مـنــك ذوب

حـتـى مــا إرجــع عــود ضوّيـكـي

يــا ريــت بـُكْـرا الـريـح ع تـْلالـك

تـِمْـرق  وْإيــدو بـْشـعـرك تْـطـالـِك

ومـا تعـِرْفـي حـالـك بـكـفّ الـريـح

إلا مــا كَمْـشـي  تْكـمّـشـي حـالـِـك

يــا ريــت كــان بْينْتـِهـي الهـجـران

وتْصـيـر آخــر هــمّ يـــا هـمـّـي

والفـجـر يـاخـذنـي عـلــى لـبـنـان

والـلـيــل يتـركـنـي أنـــا وإمـــي

يــا ريتـهـا بتـْظـلّ تـــذري ثـلــج

ونِفْـنـاف يشـْقَـع والـسـّـواد يــْـذوب

وتِغـْمـر نـوايـا الثـلـج كــل الـمـرج

وكـل الـدنـي  تـِلـْبس بـيـاض قـلـوب

يـا ريـت منعيـش العـمـر يــا ريــت

متـل القصـيـدة  البـيـت حــدّ البـيـت

ومـا يظـل ع البــاب الصّـمـت بــوّاب

بيـقول  أهــل البـيـت مــش بالبـيـت

يــا ريـتـِك فـْراشِـة وْأنــا قـنـديـل

وْحـُومـي ع هالقنـديـل يــا فـْراشـِـة

واعمـلـِّك فـْـراش الـوهــج مـنـديـل

والـنـار تِرْميـكـي عـلــى فـْراشـــي

يــا ريــت فـيـي قـطِّــف الإيـّــام

وْلـِلـْجـوع  فـيـهـُـن لــــفّ زوّادي

وِبـْإيــد إمـســح دمـعــة الأيـتــام

وِبـْإيــد طعـمـي الـشّـمـس لـبــلادي