قاسْيِة

مِـن شـيْ سِنِـة ..

شـو قاسْيـِة كِنْـِتـي 

بِكِلـْمـاتِـكْ..

بِنـَظْـراتـِك ..

نْسِـيـْـتـي؟

وْهـَــلأ رْجِـعْـتـِي مِـتِــل مـــا إنـْتـِـي

بْكِلْمـِةِ "بْحِـبَّـك" .. أكْـتَـر قْسِيـْتِـي..

نْسِيْتـي الِجْـروح الـْ مِن قَسا الْكِـلْمات؟

انـْـزَرْعـِـت بـْقـَلـْبـي آه مَـوْجـُـوعـَـة

بَسِّ الِجْـرُوح الـْ مِـن قَسـا النَّـظْـرات

مِـشْ بالْقـَلـْب ...

بالـرُّوح مـَزْروعـَة  

بـْحِـبَّـك ..

مَاْ بـَـدّي يــَــوم تِحْـكـيـهـا  

كِلـْمِـة جِسِـم

مُـشْ طالْعَـة مْـنِ الـرُّوح

الـْكِـلْـمِـة الـْ مَاْ فـيـهـا روح تـِحْـيـِيْـهـا

بِتْفـُوت جُـوَّا الـرّوح

تِحْيـِي جـْـروح  

مـُـشْ رَح بـْصَــدِّقْ رَجِـعْـتِـك لَـيـِّـي  

عـا قَــدّْ مَاْ مـْصَـدِّق جـْرُوحـي

كْتـيـر اللّي أنُّــو

وْقـالـُو مْـــنِ الـْقـَسَـا الـْ فـِيـِّي

كـِلّ اللـّي صــار بْيـِرْجـَع وْبيْصـيـْر

مِشْ كِنْت شَمْعة بـْ لَيْلْهـا مِـنْ مَيـل؟

ولـْ بـَرْدْهـا مِــنْ مَـيـل تـانـي نـَـار؟

يِِعْـنـِي الـْ بْيـِطْـفـِي شَمِـعْـتُـو بِالْـلـَّيـْل

فيهـا شـُوْ رَحْ يَعْمِـلْ بِضَـوّ نْهـار؟