ميّ مقدّسه - كل عام وهذا العالم "عالم"

ميّ مقدّسه

كل عام وهذا العالم "عالم"

 د. إياد قحوش

فتح إيدو

وعمل هالكون حـاره

فيها بيـوت

مافيهــا بياره

ونطر شي بيت

بالميِّ بيطمع

يشوفو

ويعزمو عـاشي زيـاره

. . .

قشع كوكب عطي إدنو

تيسمع

شِيْ خرّة نهر

عم تعطي إشاره

ضِحِكْلو وصار

مجد الضّو يجمع

بـِقـلبـو

وشال من قلبو الحراره

ولزقها بالسمـا

تاتضّلّ تلمع و تلمع

تانفجرمنها الشّراره

لْ إجت بالكوكب للِّي صار يدمع

ميّ مقدّسه

انصبت بـِقـالب

طفل عم يخلق بقلب المغاره.