الطفل العصفور - رد على تحية عصام يوسف بمناسبة مولودي الجديد - جود

الطفل العصفور

رد على تحية عصام يوسف بمناسبة مولودي الجديد - جود

د. إياد قحوش

**

فتحلي قفص صدري
الطفل عصفور
خبّيه فيّي
ومن صباح النّور
جبلي حْرام
يهزّ كلْ ما دقّ
قلبي
تيغفى الورد عالمنتور

..

بسقيه دمعة
عين شاعر.. طقّ
بليل الشتي
بللورها المسحور

..

بطعميه من خبز السّما
لْ مَ نلقّ
إلا بلهتة فيّ حاش زهور

..

بلفّو بعمري متل صوت الحقّ
الضّاوي
ومش رح يكسرو موشور

..

وبْتَشِتْشو عالروح
كل ما هقّ
وبغسّلو

بميّة شِعر وشْعور

..

17/09/2009

إلى د. إياد بمناسبة مولوده الجديدي - جود

عصام يوسف

كنّا مَ نَعرف

كيف بَدنا نْجود ..

عِلـّـمتنا نْجود بْسَهل ..

و نْجود

و كنّا مَ نَعْرف

نِسْمَع الشّـمّي

عِلـّـمتنا

إنّو العِطر مَوجود

.....

يا بَيْ عَيلي

بتشبه الضَّمّي

ورود فيها

عم تضم ورود

عـَ حْروفها

بْتِتْحرّك الضَّمّه

تِفتح قْناني هَالفَضا

المَسدود..

عِنْدك

على طلوع الصِبح

هِمّي

طلعة نَغَم طالع

بِبال العود

..... 

بتضيّف

من جبالك القمّي ..

قبّوع تلج

بيلبسو صنّين

و قبّوع بوظا

بإيد إبنك جود