الشيـخ جـرّاح
الشيـخ جـرّاح
إحسان المصري
ليـل وبرد وجـراحْ
ولـَ تكمل الحرقة
ولـَ تكمل الأتـراحْ
حلْقـة ورا حلْقـة
فاتوا بِوجّ صْبـاحْ
تيتـابعوا السّرقة
لا صكّ لا مفتـاحْ
لا حقّ لا ورقـة
غدرونا هالِوْقـاحْ
واحتلّوا كمْ شِقـّة
أعطوها للسَّوّاحْ
إلّلي مرق مرقـة
وأهلْها الأقحـاحْ
بالخلا عم تشقى
مجلس أمن مرتاحْ
وعيونو مشتِلقة
عالعدل عم ينزاح
بْكِلْ خَبْثَنِة وْدِقـّة
وعربان!! أف شو مْناحْ
باعـونا بالصّفقة
ستّين سِنْةِ صْيـاحْ
ما حرّكِت شفقة
كفْكِفْ دمِع يا صاحْ
واصْرخْ بِهالعجقـة
ما إلَكْ غيْرْ الِسْـلاح
ومالَك أبدْ رِفقة
يا شيخ يا جرّاحْ
وَحْياةْ هالفرقة
إصمُدْ إنِتْ بالسّاحْ
بِقِدِسْنا الأرقى
مشْ هَمّْ بيت اْنْ راحْ
مْهِمّ الوطن يبقى.