أهل الكهف
أهل الكهف
عمر تنن
تعليق على قصيدة الشاعر إياد قحوش
الشعّار لما بيكتبو قِصدان
حتى القصيدة يكون إلها مْكان
بيكون فيها بيوت مسبوكين
عالزيبق وعا قدِّة الأوزان
لكن إنت قصدانك الحلوين
كهوف بدْل بْيوت بالبنيان
وكل كهف فيهن عجبة التكوين
بيشبه جعيتا في أرض لبنان
و"أهل الكهف" لو حظّهن تخمين
يودّيهن عْلى درب كهفك كان
كانو بيغفو بسّ تسع سنين
وتلات ميّة عام بيضلو
يتأمّلو "بالكهف والإنسان"