أيامي ضجر
أيامي ضجر
عدنان حلاوي
أنا شـو بعملِّك
أيـامي ضجـر
حياتي كلا عتمة
ما فيهـا قمـر
ظلمتني الدنيوتركتني لحـالي
والعمر الهني مش مارق ببالي
أيـامـي حزيـنـة
وهربو مني سنيـني
وسارقني حنيــني
لإيـام الصغـر
أنا شو بعملـِّـك أيامي ضجر
تْركيني عم غنـّـي
أغـاني العتاق
المكتوبةبأنـّـة
بْدفاتر عشاق
لعندي ليش جـايي
تـَتْزيـدي شقايي
الغيـوم بْسمايي ما فيها مطر
أنا شو بعملـِّـك أيامي ضجر
* * *
عم إحـلـم ببكـرة
يطـلّ نهـار جديـد
الماضي يبقى ذكرى
وتشرق شمس العيـد
ويموت الصقيـع
ويعبّي الربيـع
هالكون الوسيـع وتفرح هالبشر
أنا شو بعملـِّـك أيامي ضجر