سرّ الجرح

سرّ الجرح

هديه للشاعر فضّول فضّول

د. إياد قحوش

**

لما الهوا

هبّش بِإيدو

حجار

خدود الدني

..

انشقّو النهوره

و صار

دم القهر

من شدّة التعذيب

يْسقْسِق ع وجه الأرض

ليل نهار

*

والبّر ينطر

تالِغياب يجيب

مرهم صلا

يوقّف نزيف النّار

وموسم يِجي

وموسم قبالو يغيب

والنزف ذاتو

والجروح كتار

*

للّي قال إنو الجرح بالتقطيب

بيطيب

أوعى تسدّقو

..

المسمار

بينكْوِز بْجرح الأرض تَيْطيب

ولاتسألو نجّار عن هالسّر

سر الجرح

بدّو ابن نجّار.