صـاروخ

صـاروخ

هديي للشاعر الأستاذ مفيد نبزو

د. إياد قحوش

وهيك القمر

من وقت ماشافو

تخبّى بْغيمِه

وكل ما لْحافو

بيْرِقّ

بيحَوّش غْيوم جْداد

وبيدير

عا وجه الدِّني كتافو

ولمّا مرق

بالجوّ

فوق بلاد

خضرا

الربيع اصْفرّ صفصافو

وهربو عصافير

البراري..

ولاد

شافو عيون مجمّره

وخافو

ويبْسو الشواطي

والندي ماعاد

يْحمِّم خدود الورد

نفنافو

وإيد السما طفْيِت

نجوم بعاد

وهزّ الجبل راسو

على الميلين

والنهر صار يعضّ بشفافو