آغــا

آغــا

إيلي نعيم غطاس

واقف عا بلكون

القصر

يغمز.. هالموسيقا تْدق

وشعب لْ نايم صرلو دهر

ما حلّو هالبحصا يبق؟!

هالآغا اللي مْعربط فوْق

ما بْعمرو رح يتخلاّ

مفكّر حالو كل الزّوْق

وبْصوْتو عم يتسلاّ

وناس لْ زحفت بالكرباج

تا تاخد موني منّو

كل ما شْويّي بحرُن هاج

هوّي بيِتشجّع سنّو

ومع كلْ صرخا مْن الجمهور

يعلّي معها شْوَي شوي

فوْقو عم يكتر هالنور

وتحتو عم يكتر هالفي

زكّرني بْديك التعتير...

اللبّس صوتو أحلا لون

وبلّش بالعيطا بكيّر

حتّا يطلّع شمس الكون!