من فوق التلِّة
من فوق التلِّة
ايلي نعيم غطاس
عم حاكي دربي باللمس
صنوبرنا عْليّي يْدلّي...
وعم ندّي حروفي بالهمس
وبين الواديوالتلّي
تقلّي بَقّوسي هالشمس
بين منتورا وبين فلّي..
بوكرا يكبر.. يزغر أمس..
كل مافشخا عم علّي...
...
وشوف الليل لْ عم بيموت
يندّي عالورد ويركع..
المِنْجَيْرااللي بْإيدي سكوت
وكيف بدّو صوتا يطلع
وبلبل حدّي يصلّي بيوت
ونور لْ راكض تا يسمع
وضحكة الِفْراشي ياقوت
تطير بفرحتها وتلمع
والنحلي مطروبي تفوت
بكِمّ الزّهرا وتتدلّع...
...
ومن فوق التلّي عم شوف
ضيعتنا بهالصبحيّي
رجال اللي قلبا ملهوف
تصبّح زرعا بغنيي
وتمرق عالبيدر بكفوف
تقرا البسمي السحريّي
وعجقة هالنسوان حروف ..
لْ صاج وتنورسْويي..
...
وسعدا اللي قدّام البيت
عم بتكنّس وِتْبَرْبِر
وبو جرجي يصرخ: "يا ريت
بياخدني هالِمْدبّر"
وعبدو: "مشكلتي حبّيْت
وكيف بدّي القصّا ستّر"
والخوري: "مهماصلّيْت
هالخوريي بتكفّر"...
...
وولاد لْ عندن مريول
اصْطفّو كلّن بالملعب
وبالبدلي يْطلّ المسؤول
ينغّم صوتو لْ ما بيتعب
مين بيسمع شو ما يقول
كل مين بهمّو مكركب...
عالترويقا أكلنا فول"...
...
"حاجي تزفّر يا مهذّب"...
...
"خسِرْت مبارح عشر كلول"...
...
"خلص الفحص ورح نلعب"...
...
"حنّي؟!
هَيْ جَوْزا مسطول
لوكان عندي.. بترهّب"...