يا ضَيعتنا

يا ضَيعتنا

المهندس عصام يوسف

يا ضَيعتنا

يا مَوسَم للتـّصابي

القمر عَ تلالِك

الحلوين رابي

بـِدِي يـِكتبحلاكي

عا تْلالو

وْ لـِحدّ اليوم

ما خلـّص كِتابي

رَسَم طلـّة عْيونك

عا جبالو

كِِتر ما شـاف

بعيونك إهابي

لأنّو عْيونك

وْ شردِة خْيـالو
شِربوا تـْـنـَيـْنهُن

مِن فرد خـابي

جـَوابك عَ الدني

مُبهم سؤالو

خـْـلِقـْْتي وْ عالمِك كلّو

غرابي

كأنّو اللـّون

عا لوحةخيالو

غيرك ما بقي عِندو

إجابي

الكـَرْم بْيشرب
بْتسكر سلالو!!

الصـِّـبح بْيضحك
بْـتبكي السَّحابي!!

الورد بيسمع
بتحكـي ظلالو!!

اللون بيكتب

بْـتمحي الصَّبابي!!

و أنا شاعر

حنينو راس مالو

ما فيِّي عيش عِمري

بالرّتـابي

كِـلْ ما زْهورِك

الحلوين مالو

بـِلون الورد بيفتـِّـح

شَبابي

و لأنّو الشـِّعر

في جوهر كمالو

مَدى و طـْموح و شْموخ

و رَحـابي

رح بْيبقى متل ما الناس

قالوا

شيلو من الدّني بـِتصير

صَحرا

ازْرعوا فوق الرّمل

بـِتصير غابي.