بنت لبنان

لَيْلِـة ..

غَلَبْنـي النَّعَـسْ عَ مـْخَـدِّة الْحِـرْمـانْ

وِاللّيـلْ يِسْتـُفْ عَتِـمْ 

تـَ يْضَـيِّـع الـْواشـي

وْمِنْ خَلْف باب الْمَضى 

وْمِنْ طــاقْةِ النِّسْيان

حِمْلِكْ عَ غَفْلِة الْهَـوا وْزَتـِّكْ عَلـَى فْراشـي

وْلَمَّا بْعُيونِكْ 

شِفـِتْ تِكْحيْلـْةِ الإسْبـان

بِاللّيـل قِمْت وْرِحِتْ عا قُرْطُبَة 

ماشـي

وْلَمَّـا عَ صِدْرِكْ شِفِتْ 

تِعْرِيْمِةِ الألْمـان

تْقَمَّصْتْ حِكْمِ الْفَرِدْ 

مِنْ هِتْلِر الْفَاشي

وْلَمـَّا عَ تِمِّـكْ شـِفِتْ ضِحْكِ الأميْرِكان

بْدَلْتِ الْقَصيدِة 

بْرَقِصْ جاكْسون على الشاشة

ولَمَّا عَ كِتْفِكْ شِفِتْ جَـدُّولْةِ الْعُربـان

تْقـَلـَّدْتْ شـَيـخ الـْعَربْ

وِلْبِسْتْ دِشْـداشـِـة

وْلَمَّا غَفَرْتي إلي .. وْمِنْ جانْحـي التَّعْبـان

صِرْتِي تْنَقِّي بْرِضا ... الْخِرْدُقْ مِنِ رْياشي

غْمَرْتِـكْ بِلَهْفـِة وْقِلِـتْ: 

وَحـْدِكْ بِنِـتْ لِبْنـان

وِجْهـِكْ صَحيـْح 

وْوُجـُوهِ النـَّاس غِشـَّاشـِة