3

:: القمر ::

   
 

التاريخ : 16/11/2009

الكاتب : د. إياد قحوش   عدد القراءات : 1198

 


  

القمر

 كمان هديي للأستاذ النقيب انطوان السبعلاني

د. إياد قحوش

 

عاكِمّ ألله كان زرّ
وكان 
يضلّ عم يسمع
اسم لبنان
..
وليله تحمّس
قام عالدرزه
لْ بالكمّ قطّعها
وركد هربان
ت يشكّ حالو
بالأرض خرزه
عاصدر بيروت.. الحلو المليان
وبلّش يبحبش
هون عاكرزه
هونيك
عاريحة مجد جبران
وهوّي وطاير
علّق بأرزه
وشاف أقربلو إذا بيضل
بنص السما
يبرم متل سكران.

 

 
   
 

التعليقات : 7

.

18/11/2009

أنطوان سبعلاني

أخي الشاعر اياد،

في اسبوع واحد، حمّلتني هديتين غاليتين علي كثيراً!

شكراً من الأعماق، وإليك عبر الموقع قصيدة أسعد السبعلي كان قد وجّهها إليّ.

قرأت قصيدتك الحنون في أخ سوزان.

المخلص انطوان

 


.

18/11/2009

سمير هلال

خدني    معك   عالمجد   شي   مره

هونيك     بدي      واسطه    تقيلي

معليش     بقعد      بنطرك      برا

وبصير       صلّي    تا تناديلــي

**

دكتور   إياد    إنت   مدرسه   بالشعر  واسمحلي   ناديلك   يا معلّم


.

18/11/2009

Eiad

يا ميرفت
هالشقفه الزغيره العل بحر أكبر من البحر

الله يحميها

شكرا لحضورك


.

17/11/2009

سلام كنجو

لبنان قطعة سما

لبنان قلب جبران

وصوت فيروز

وشموخ الأرزة وعزة الارض

وكل صور الفرح والجمال

واذا كان وطننا العربي سما واقطارو نجوم اكيد لبنان هوي قمر هالسما.

شكرا لابداعك الدائم التجدد

سلام


.

17/11/2009

مفيد مسوح

وشاف أقربلو إذا بيضل
بنص السما
يبرم متل سكران

ياشاعر الكون

المهارة في رسم الصورة شيء عظيم.. صفة لا يتمتع بها إلا المبدعون.

إنما ما يميز إبداعاتك أفكارها الجديدة دائماً.. وها أنت تتقمص شخصية القمر لتسقط رؤيتك ومشاعرك فوق صدر بيروت ضوءاً لا يخبو.. (لأنو بنص السما) ولا يغيب (لأنو عم يبرم سكران بمجد لبنان)

سلمت إياد.. أنت القمر.. وبجمالك يحلو فضاء جماليا


.

17/11/2009

حبيب حبيب

إيّاد

مارحنا حتّى نرجع

مرّات الصوت بدل مايطير بالسما بغور بالقلب من الدهشة وإذا القلب هالقدّ بالقلب بيسمع الصوت أوضح .

لموجة قصائدك اللي مرقت كان الصوت بالقلب وكنت عم تسمعو

إيّاد أنت شاعر قطعت الدرزة من كمّ الشعر ورحت  فصّلتلو توب جديد بيدلق من جيابو صور بتركد هربانة فرحانة بتخلّي

 يا إيدنا توصل للسما من الفرح، يا الصوت يغور بالقلب لينسمع

نحنا ياإيّاد منشوف لبنان هيدا اللي بيشبه بنورو ضوّ القمر وبتشربو عيونا عن قرب ومن الصبح ومنعرف قدّيش غني وبيغني.

 منسكر بقبلتنا وبصوت فيروز وذاكرتنا معبّاية من مجد جبران.

وهوّي وطاير
علّق بأرزه
وشاف أقربلو إذا بيضل
بنص السما
يبرم متل سكران

هالقدّ لبنان حلو بكلشي فيه وهالقدّ كان نور كل ماعتمّت الدني عند العرب وبكلّ كبوة هوّي بيسهر على نومتن من اللغة والفن والأدب وأنت رايح.

سينصفك لبنان والشعر ياإيّاد ، شعرك أقرب إلى مقولات شعرية وأنت مليان شعر.

 


.

17/11/2009

ميرفت سرحان

بيروت تهلهل لسماع هذه الأبيات والقمر يشّع ضياؤه عبر أثير الكلمات

دمت لنا ولبيروت


 

   
 

.