3

:: خطوط الطول والعرض ::

   
 

التاريخ : 19/06/2009

الكاتب : د. إياد قحوش   عدد القراءات : 1971

 


 

خطوط الطول والعرض

هديي لابتهال

د. إياد قحوش

 

 

نْشَرْت الغيوم

عْلى خطوط الطّول

.. مريول

من تقل الشتي المحمول

انشقّ منّو قطبتين .. زغار

صارو متل قطبين بالمريول

 

نْشَرْتهم بالعرض

عادوّار

جسم الأرض

صارو يكرّو نزول

ووقفو ع خط الإستوا .. زنّار

ومن يومها

والأرض عم بتهزّ

ومع كل هزّه .. يهرّ منها نْهار

 

 

 
   
 

التعليقات : 12

.

21/06/2009

Eiad

ياحبيب دايما لردودك طعم الشيكلس..

بتتذكر كان علكة الشيكلس بفرنكين وبعدين غليت صارت بفرنكين ونص.. بس ضل عبدو الديب يبيعها بفرنكين لأنو كان مخزّن كتير من الماضي

**


قلتلي شاعر رائد فضاء؟!

 هيدا الرد أقوى من القصيدة

تسلم يا خطاط الخطوط الما بتشربك

إياد

 


.

20/06/2009

حبيب حبيب

 

عرّيف صف يادكنور !!!

بعمري ماحبّيت هالمهمة وأنت بتعرف ليش ...

بس عرّيف صف بالجمال كتير حلّو

واللي مابيعرف شو عرّيف الصف

هوّي التلميذ أو الطالب اللي بينوب عن الاستاذ اللي بغيب مؤقتاً عن الصف

وبما أنّو هيك رح استغل الفرصة وإسأل عن إستاذ الصف والبستاني الدكتور مفيد ( وينك*)؟؟؟

 من

 العيش المشترك؟؟؟ ووينك من تعب الياسمين؟؟؟  مع كمشات من القلق

كل الأماني

 


.

20/06/2009

حبيب حبيب

شوهيدا؟؟؟؟

قدّيش هالعمر وهالأرض زغار بعيونك

وقدّيش كبار بقلبك؟

أوّل شاعر رائد فضاء

بقصقص من مراويل الأرض مواويل شعر

ومع كلّ هزة بهر شعر من لون جديد

بتمنّالك الإقامة الدايمة لتبقى تشمسّا وتغيّما

   ( غيمِّت إيّاد)

 


.

20/06/2009

إبتهال

شكراً دكتور على هديتك يللي زادت بإيامنا نهار إلو معنى مع إنّو هزّات الأرض مكملة والإيّام عم تهرهر.

لك شكري وإعجابي


.

20/06/2009

Eiad

يمكن لو فينا نعجل إيقاع الهزّ شوي بيكون أحسن ياسوزان..

حابب أعرف هونيك شو في.

يللي بيروحو لا بيرجعو ولا بيبعتولنا خبر.. والأرض عم بتهز..

يمكن الموت متل النوم بيحلا عالهزّ

سلام.


.

20/06/2009

Eiad

جغرافيا القلوب الملاينه محبه هي سهول وأنهر.. وربيع دايم.. وشوية غيوم تاتْردّ الشمس عن الولاد العم يلعبو بين الخطوط

وقلبك ياليلي من هالقلوب هيدي

تسلمي يارب


.

20/06/2009

Eiad

الغيوم.. هني قطيع خواريف بيرعى بهالسما..

ع صوت منجيرة الطقس

محبه إلك ياهادي

 


.

20/06/2009

Eiad

يا حنا ياملك البلاغه

قديش حطّينا خطوط بهالأرض!!

شكرا لمحبتك  


.

20/06/2009

سوزان ضوّ صايغ

قولك يا دكتور، إذا كلّ الناس حطّوا إيديهن بإيدين بعض، وجمّدوا الأرض، ما بتبطِّل تهرهر إيّام وبيصير عمرنا أطول؟

يمكن إذا بتزبط بيتفقوا هالبشر،  وبينسوا هزّاتن الخاصة!!

قولك، مش ممكن بشويّة محبّة تزبط؟؟؟

صُوَر مدهشة، كالعادة

 


.

20/06/2009

ليلى الأمين

تخايلت الصورة فحفظت درس الجغرافيا الذي لم أنجح في حفظه من سنوات طويلة.

الآن عرفت ما هي فائدة خطوط الطول والعرض والمحور.

لن تتوقف عن إدهاشنا يا دكتور

 


.

19/06/2009

هادي

وماذا أضيف على هذه الصورة الرائعة والمعبّرة؟؟؟

لا كلام يقال

 


.

19/06/2009

ح.

يا سلام! لا كلام حيـال جمال الكلام! لا كلام!


 

   
 

.