3

:: سرّ الجرح ::

   
 

التاريخ : 28/02/2009

الكاتب : د. إياد قحوش   عدد القراءات : 2076

 


 

سرّ الجرح

هديه للشاعر فضّول فضّول

د. إياد قحوش

**

 

لما الهوا

هبّش بِإيدو

حجار 

 خدود الدني

..

انشقّو النهوره

و صار

دم القهر

من شدّة التعذيب

يْسقْسِق ع وجه الأرض

ليل نهار

*

والبّر ينطر

تالِغياب يجيب

مرهم صلا

يوقّف نزيف النّار

وموسم يِجي

وموسم قبالو يغيب

والنزف ذاتو

والجروح كتار

*

للّي قال إنو الجرح بالتقطيب

بيطيب

أوعى تسدّقو

..

المسمار

بينكْوِز بْجرح الأرض تَيْطيب

ولاتسألو نجّار عن هالسّر

سر الجرح

بدّو ابن نجّار.

 

 

 
   
 

التعليقات : 6

.

30/05/2009

Eiad

بيعلمونا يا سوزان إنو لازم نطهِّر الجرح.. بس عم اكتشف إنو الجرح هوّي بيطهّر الإنسان

 *

الوجع ضوّ بيغسل عتمة الأنانيّة
وتا نوصل ع نهر الخلاص، لا بدّ من العبور ع جسر الألم

السعاده والألم بيتقاطعو وبيتلاقو بعدّة محطّات

النجّار بيتعلّم كيف يدق المسمار.  بس سرّ الجرح  كان بدو إبن نجار بيعرف بالمسمار وبيعرف

بالجرح.

** 

وشكراً لحضورك النقي والشفاف


.

30/05/2009

سوزان ضوّ صايغ

ما أكثر الجراح النازفة يوميا،ً لأننا لم نعرف كيف نداوي الجرح الأساسي

وما أغزر العلقم الذي نشربه يومياً، لأننا لم ننتبه لمرارة الخلّ الذي شربه عنّا

**

"تسقسق"

صورة محزنة لألم جرح في خاصرة التاريخ لن يتوقّف نزفه

سَلِمْتَ، ودامت شاعريّتك


.

30/05/2009

Eiad

خيي هادي

جروح الأرض بتحكي قصة الإنسان القاسي ع خيو.. الإنسان يللي بيعبد المال والسلطة.. وعبّى وجه البشريه جروح عميقه. بس يللي ربي عند النجار بين الخشب والمسامير عرف إنو الخلاص ع خشبة وعرف إنو دقّة المسمار هيي دقّه ع باب السما

كلامك حلو.. وبنبسط كتير وقت حدا بيمسك النسر هوي وطاير..

وتضلّ بخير

 


.

30/05/2009

هادي بشروئي

حمل صليبه عنّا ليمحو بجراحه خطايانا ولكن...

تراه كان يعرف أننا لن نتعلّم؟

هل كان ليحمله إن كان الجواب بالنفي؟

فلتسامحنا الحياة على الجراح التي نرسمها على وجهها، وليس إلاّه يحمل العلاج

 


.

30/05/2009

Eiad

"الهوا" عم يهبّش بالأرض.. والأرض المجروحة عم تنزف.. بس كان في طفل ربي عند نجار مع الخشب والمسامير.. و لما كبر.. بجروحوالكبيره  داوى جروح الأرض.
هيدا سرّ إبن النجار و سر الجرح.. ويللي بدو يروح لعندو لازم يتحمل جروح المسمار

شكراً ياحبيب ع تعليقك وكلامك اللّطيف

إياد

 


.

29/05/2009

حبيب حبيب

قدّيش بعد وجه هالدني بيتحمّل تخريب

يمكن دمّ القهر هوي الوحيد اللي مابينضب

ويبقى الانسان يضحك على حالو ويخترع مرهم مغشوش

وسرّ الجرح بيعرفو القلب قبل الطبيب

إي الجرح يادكتور مابيطيب

ثقافة التجميل والفوتوشوب رح تخدع حتى ابن النجار؟

خدّ الأرض على حقيقتو للأسف شفناه بقصيدتك

هيك هيي وقت اللي منشوف صح

سلمت عيون شاعريتك

عرزالك عالي


 

   
 

.