03/01/2009

Eiad

إذن يا ليلى
الحيوان إنسان لطيف!!!

ما بعرف كيف موت الزغار بيصير لعبة بإيدين الكبار!!!!

03/01/2009

Eiad

يللي عم يتفرجو ع السيرك.. لا بد وما يفلت الوحش مرة ويهبّرهم.

أهلا هادي

03/01/2009

Eiad

كبرنا مع هالأخبار وما تغيرت مشاهد الفيلم.. ودوما القتيل نفسو.

02/01/2009

ليلى الأمين

هذا المخلوق الغريب لم يحتفظ من الإنسانية سوى... بإسمه

فلتعذرنا الإنسانية لأننا أسأنا إليها

02/01/2009

هادي بشروئي

عاشت الذئاب يا دكتور

وحدها تبكي، في حين يكتفي الإنسان بالمراقبة

أبدعت نثراً كما شعراً

02/01/2009

كميل

 يا الله سوا نقاتل نحمي الدار (بس مين  سوا...)

شكرا حكيم

02/01/2009

سوزان ضوّ

إيـاد

 فتّشت بالقاموس وما لقيت غير كلمات فاضية بيستنكروا فيها ما جنته أيديهم

شفت الفرق فسكنني

صمت الدهشة

حملت صمتي  وقرّرت اختزال قواميس العالم بكلام السيّد المسيح

أحِبّوا بعضكم بعضاً

شو هينة هالقصّة

**

يمكن متل ما بنتك عرفت بقلبا البريء تعتبر طفل السودان رفيقا، يعرفوا الكبار إنو الزغار بيتعلّموا المحبّة أسرع وما بيكذبوا وبيستنكروا إذا كسروا لعبة، وكذبتك على إبنك كانت الحقيقة الوحيدة: مش ممكن يكون يللي عم نشوفو أكتر من فيلم رعب.

سامحونا يا زغار، وسامحنا يا عمر لأنّا كبرنا

02/01/2009

غريس

 أكاليل من الكلام لدينا يا غزة فدلينا على معابدك

على مسيح لا يأتي ماشيا فوق بحر من الدم

 او على دموع تكفي لحمل قارب لأم فقدت ابنها...

ألم أقل أنه حتى تكون إنساناً عليك أن تتألم

وحتى تتألم يجب أن يكون هناك إنسانٌ آخر

وإلا من سيقصّ ابتسامتك..

 ويقلّم أفراحك..

من سيدلك إلى طريق الغابة حتى تختار خشب صليبك...

من سيعلّمك أن تصرخ دون أن يسمعك أحد؟

حكايتك يا إياد لإيقاظ الضمير الإنساني القابع في ظل الهمجية .اما النوم فنحن نائمون على انكسارات الانسانية و تهشمها و سقوطها في وحل السوق السياسية، و الكراهية  .وأما استخدامك  لرموزية  الذئب فقد جاء في مكانه كرمز للوفاء "على الاقل لزوجته" فهو يبكيها حتى الموت... ما ابشع الانسان.

سلمت يداك. رائع ما تكتب كالعادة 

01/01/2009

Eiad

بيقول جبران

حسب القتيل شرفا أنه ليس القاتل

***

العزيزة سوزان 

يا سيدة الياسمين

هالأرض العم نتقاتل عليها بالكاد بقى توسع قبور لستة مليارات إنسان.. بقى كيف هالحاكورة الزغيرة عزاوية البحر !

مرتين نسيت حالي وأنا عم أتفرج عالأخبار وبالمرتين لاحظ ابني شيء غريب بالمشاهد.. نار و ناس عم تصرخ وجثث.. سألني : هل هيدا حقيقي؟

كذبت عليه وقلتلو لاء هيدا فيلم وتمثيل

بمدرسة بنتي قالتلهم المعلمة كل واحد لازم يتبرع بهدية زغيرة لطفل فقير ببلدان بعيدة.. عالعيد.. بنتي معها صورة طفل تبرعتلو من السودان وبتقول عن الطفل : رفيقي. وصورتو بالسيارة جنب مقعدها.

وبهالحاكوره الزغيرة في أطفال صار الصاروخ رفيقها.

 دخيلك دوريلي بالقاموس في شي كلمة بتعبّر عن الإحباط مضروب بألف مرة ..
يمكن صار لازم نخترع كلمات: كيلو مأساة أو هكتار حزن أوغيرهم تايوفّو الغرض

01/01/2009

Eiad

ما بقدر إفهم ياحبيب يللي بيتركوا كل بلدان العالم وبيروحوا ع شقفة هالأرض الزغيره وبيحاشكو هالشعب المعتّر عليها .

شوف كيف تخدّر وجدان الكلمة:

(الأمم المتحدة يقلقها استخدام القوة المفرطة ).
شرح الأبيات : بدلا من عشر رصاصات بصدر طفل بيكفّي رصاصتين

ياويلنا

01/01/2009

سوزان ضوّ

د. إياد

تراها الدمعة الصامتة التي يذرفها القلب على قلب الإنسانية  النابض حقداً

تكفي؟

**

شكراً للقصّة التي حوّلت النيجاتيف إلى صورة

**

عذراً منكم يا أطفال العالم

01/01/2009

حبيب حبيب

طأطأ الذئب رأسه بحزنٍ وقال: وأي إنسان ياولدي! إنهم خير شعب من شعوب الله.

في كل قصيدة جديدة لك، وقت نستلم بعيوننا أول سطر تفتح الابواب السبع ونخرج الى الضوء ونقول الله

أما الحكاية... ما قصّة  الحكاية التي تحاول أن تردّ الأبواب المخلّعة والأسقف المتحطمّة منذ... عل رأس الانسان

خيي اياد يربى الانسان على احترام أخيه ولكن ما السر بتلذذّه بالمشي عكس السير ؟؟

لم يبقَ إلاّها أن يطأطئ الذئب رأسه خجلا

أو ليست حكاية؟؟؟؟؟؟ فيها أسئلة توقظ كل زملاء الذئب ولاتجعلهم ينامون خجلا؟؟

انها كل الحكاية اختزلتها بخاتمة نحاول أن نكذّبها دوماً

شكرا