3

:: شعر جْديد ::

   
 

التاريخ : 23/06/2017

الكاتب : إياد قحوش   عدد القراءات : 4053

 


 

 

 

وبتقول بدّك بعْد شعْر جْديد

إي خود

شعري من قبل ما نقال

 

عصرت الصّخِر

طلّعت منّو نْبيد

شْلحْت النّهوره عالسّهول حْبال

 

قْبعت المْواج

وْراق للتجليد

نكشت المجرّه

تْدَلْدَقِت شلّال

 

سْحبْت الدّرِب

منْ تحْت يوم بعيد

تْشردَق مْبارح

شاف بكرا خْيال

 

حفرت النقص

صفّا الّنقْص يْزيد

نْصبت السّما فوق الدّني غربال

 

دْوَخْت الأبد

بلّش يْغنّي

يْعيد

ينسى

يضلّ يعيد بالموّال

 

كْمشت الأرض

جعْلَكِتْها بالإيد

وعْملتها: وديان حدّ جبال

 

خْلعت الزّمن 

وسْرقت يوم العيد

ولما القمر والشمس 

بيصيرو

ع قْبال بعض.. ارْفعتْهُن أثقال

*

 

 

 

 
   
 

التعليقات : 0

 

   
 

.