جماليـــا : ثقافة , آداب , فنون

From site: http://www.jamaliya.com

غِنِّيـّتـَك - إلى الشاعر الدكتور إياد قحوش


سمير هلال
05/10/2009
 

غِنِّيـّتـَك

إلى الشاعر الدكتور إياد قحوش

سمير هلال

 

غنّيتّك للشاعر الأسمر

زفّت خريفو بلونها الأخضر

جيّش حنينو لحنها المعزوف

ع وتار قيثارات من مرمر

 

حقك معك تخرج عن المألوف  

تزرع  أقّل وتحصد الأكتر

بين السنابل وحدك البتشوف  

ضحكة رغيف الخبز بالبيدر

 

بالشعر صفّى متحفك معروف 

مليان  باللوحات والجوهر

 

وداعيك متل السايح الملهوف

مع كل كلمه وسطر بتصوّر

 

ولو ما ضفِتْ عَ الأبجديه حروف

لكن شعورك ضاف شي أكبر

تموّض على إيديك شغل الصوف

وبخّر حرير المسك والعنبر

شاعر من جفون المدى مذروف

دمعة  خلود وملحها سكّر

من وقت ما صار الفضى مكشوف

ترفرف ع وجه المي روح الرب

والناس تخلق والشعر يظهر.

 

رد على هدية الدكتور إياد

غنيّة

 

 




Link: http://www.jamaliya.com/ShowPage.php?id=5826