جماليـــا : ثقافة , آداب , فنون

From site: http://www.jamaliya.com

مملكه - قصيدة في غياب جوزف حرب


د. إياد أحوش
11/02/2014

 

 

جوزف حرب.. تعرّفت عليك متأخّر

في مطارح كتير عم روح عليها وعم شوف خيالك فيها

ياشاعر كبير بحْنيلك كلّني سوا متل التماثيل الْعَم تُوقَع

 

 

 

كوكب زغير

كتير

من بلّلور

بيساعنا

أزرق

بتحطّني بْحضْنو

وبْحطّك بْحضْنو وسوى منطير

عاكون من عطر وندي

وعامهلنا منغرق

..

بسقفو التّلِج

برسم خَيالك متِل شعْلة نار

وبعمل درج من ضو

وشبابيك عاقدّ وجّك .. من ورِد

تاضلّ شوف قْمار

وبلبّسك تاج الدّهب

تاكلّ مَ نْزلت الدّرج .. يطْلع عَليّي نهار

وإفتح إيديّي

ولملم اللولو

منِ جبينك السّكران بس يعرَق

..

وبالليل

تتغطّى

بِشرشف من عنب

عاتخت نصّو نبيد

نصّو سفنج غْيوم .. من عبّ السما

بس ينقطف بالإيد

 

بعرف إنت صابيعك السكْبو شعِر

متِل الكأنّو عيد

وصبّيت قنّينة شتي.. وصْفنْت بعْيونك دني

ونطرت الله يمرّ عالمفرق

..

قولك إذا عْجقت الزمان

بغيبتك

بيضلّ في ممْرق..!

 

 

 




Link: http://www.jamaliya.com/ShowPage.php?id=10616