3

:: طريق الحرير ::

   
 

التاريخ : 27/12/2011

الكاتب : الدكتور إياد قحوش   عدد القراءات : 3212

 


 

 

 

اعملّي جَوانح منْ شمِع

بالعيد

تاعلّي وْطير

... و تَضّلّ تحْرقني

تَ يشْعَل بالدني ليل الضّمير

..

حْبالك شتي

زيح الحبال ارْبُطْهن بْكوع الفقير

بردايْتين كْبار

فتْحو عالسّما مسْرح كبير

تاشوف وجّ الشّرق عم يرْكد

عَ طرْقات الحَرير

..

هودي المَجوس

جبال ع طْراف الأبَد سهرو كتير

وعن ضَهِرْهُن

تـا يرْكَعولك .. نزّلو الغيمه حصير

..

مدّيت إيدك عالقمر

صار القمر كاسةْ عصير

اتطّلّعت صوب العاصفه

اتشردق بِ ريقو الزّمهرير

و شو كبير .. ياه ..!

كبير إنْت كتير

والعالم زغير

 

نشالله ماعاد طفل يخلق بمغاره .. وكل طفال العالم يعيشو بسلام - إياد



 

 
   
 

التعليقات : 1

.

26-01-2012 07:5

foufoubatna@yahoo.com

فوفو

اريد مفهوم طريق الحرير


 

   
 

.