من طاقة العرزال
إلى د. إياد قحوش تعليقاً على قصيدته: ضيعة ع البحر
سمير هلال
يا تارك الترغلّ يكرج عَ الهدى
ويغطّ يشرب شعر من وادي الندى
عينك على نيشان جِفْت بَعينتين
وبيعرفوك الناس صيّاد المدى
الجعبه مَلانِه والمخرطَش طلقتين
وبكل طلقه صوت بينغّم صدى
عين بْيـِجيها النوم مستجدي وعين
رفيقة بُزوغ الفجر مع بلبل شدى
من ضيعتك عَ البحر آخدنا لوين
وعندك خبر أسرارنا والمبتدى
خدني بطريقك يا طليق المحبسين
عا ضيعتي بلكي منامي بينفدى
صايغ كلامك من صميم الأصغرين
خاتم ملوكي للسلام بينهدى
أيّا فضا ممكن دخولو بجانحين
ألاّ فضاءك
في ألو خصوصّيتو
غير الملائك ما بيدخلّو حدى