3

:: "الكحل أحلى من العمى" - تحيّة لروح الشاعر الكبير محمود درويش ::

   
 

التاريخ : 10/08/2009

الكاتب : د. إياد قحوش   عدد القراءات : 1737

 


 

"الكحل أحلى من العمى"

تحيّة لروح الشاعر الكبير محمود درويش

د. إياد قحوش

 

 

وقت الحروف
بتنعمَى
بيمرّ شاعر
جاي من آخر سما
وبْيفتح هْلالين
بْيجْبل بِإيدو الضّو
وبيحطّ نتفِه
فوق حرف العين
بتشوف
وبيكحّلا

تيكمّل المعروف.

 

 
   
 

التعليقات : 10

.

14/08/2009

Eiad

حبيب القلب عصام

***

الألوان
هالكبكوبة ل بتلفّ
كل ما ن شغل بالك
الخيطان
فيها ريح ما بتخفّ
والأرض مغزالك
..
بتعرف إذا بيحفّ
خدّ السما
خيالك
عين الشمس بترفّ
عصفور
كرمالك
..
كل ما تمرّا الصوت
بيطقّ منّك نور
عاحالك
وبيفور
زيت متلّت قبالك

 


.

13/08/2009

issam youssef @ emirates.net.ae

عصام يوسف

لمّا رَمى سَهم الشِّتي قوسَك

و قوس القَدح .. ضيّف قَدح

قوسك

فاق عا حالو الصبح .. سكران

عم يشرب غْطيطه بـِفرْدوسك

......

و هاك القمر شو شْتقلك مْن زْمان

فيّق

"الشهنامه"

عـَ"فردوسك" 

ساعة مَ شافك

ع الشِّعر سَهران

فضّى عـَ صينيّةِ الليل.. نْجــوم

تَ يْضيّفك بالعيد

"سِمْبَوْسَك"


.

12/08/2009

Eiad

رغيف القمر شعرك


كتر مَ نْرقّ


ع قزاز وجهي


صار يلمع حقّ


و مدّيت  روحي


غيوم لمّا هْلال

 

شفتو


كأنّو بإيد الله نشقّ


وصفّا عشا


بيمرق علينا خْيال


كل مَ السما


بكوز الصلا بتندقّ

 

وبيصير عنا عيد


كل م انقال


شعرك


وكل ما رسمك بينلقّ


.

12/08/2009

Eiad

أخي ظافر

تتبارك القصائد عندما تمرّ بذكر أمير الشعر الذي لا تغيب عن قارات إبداعاته الشمس
شكراً لمرورك أمام شرفتي المنخفضة

 


.

12/08/2009

Eiad

العزيز دريد

شكرا لمتابعتك واهتمامك
الشاعر الكبير محمود درويش  ملأ رئات الذين سيأتون خلال المئة سنة القادمة بعبير الشعر ورحيق المقاومة.

ما يؤلمني يا أخي أن يتبجح بعض الزعماء  بقراءة أعماله وهم سبب هام في مأساته ومأساة شعبه وشعبنا.

لك كلّ الود أيّها النّاصع بلاغة

 


.

11/08/2009

ظافر

 شكراً د. إياد على هذه الأنشودة المختصرة ولكنها الكافية الوافية..

 ترنيمة ولا أحلى

تحياتي


.

10/08/2009

دريد يازجي

تتكحّلُ أعينُ الحروفِ الوفيّةِ بشعرِكَ وحضورِكَ يا إياد

طوبى لمن حملَ فوقَ أكتافِ فؤادهِ وعداً صادقاً

وذرفَ من أحاديثِ السماءِ دمعةَ حزنٍ تكحّلتْ بها روح من رحلَ إلى قلوبنا.

دُمتَ شاعراً وفياً يكتبُ ميثاقَ التواصُلِ والإبداع.

ودامتْ إطلالتكَ البهيّة يا اياد


.

10/08/2009

issam youssef @ emirates.net.ae

عصام يوسف

يا حكيم.. بْهالفضا شو السّر

بـِتْضل عـَ غْصون الدني مخْضَر

و حتّى إذا بـِتْهِر ورقاتك

بـِتْكون من تِقْل العِطِر مَتْهِر

............

من وهج شمس الحب جوّاتك

بـِتْصير دقّات القلب تِسْمَر

و من غيرتي عا لون همساتك

 بيصير صوتي مْن الفرح يِـِشْقَر

............

لمّا الكحل يسهر عَ طلاّتك

بيصير خدّ... من الخجل مِحْمَر

و عين اللي بـِتْفتّح عـَ كلماتك

بـِتصير عـَ تْياب القصيده زِر.


.

10/08/2009

Eiad

يللي جبل كمشة ضو وفرك فيها "العين" وصارت تشوف.. وكحّل الحروف هيدا شاعر انفتحت فوقو مزاريب سماويي.. بأرض قدمت قرابين كتيري..

منتساءل إنو أيمت الآلهة بدها تقول بيكفّي قرابين!؟

**

ياسلام
شعر محمود درويش صرخة من تمّو.. بس بصوت مية مليون عيّشين بهالشرق المعذب

شكرا ياطيّوبة جماليا


.

10/08/2009

سلام

لا شيء يدنينا من السماء بسرعة الضوء كما يفعل الشعر

فكيف اذا غزلت حروفه اياد  كأيد

محمود درويش

واياد قحوش

في صورتك التي تكاد تقطر حزناً وروعة ملامحٌ من وجهه المتعب وشبه كبير

وكأنه صار نبعا للشعر لكثرة ما تدفق شعرا وجمالا

لروحه السلام

و كل الشكر لك


 

   
 

.