28/07/2009

Eiad

وأنا كمان يا سلام مابشبع تطليع بهالصورة..  بفكّر حالي إنو غيّبت الدرس، وبس برجع بتطلع بالصورة بلاقي صفحات جديدة مامرقت عليها من قبل .

القلب المنمّل والقسا وموت الضمير
هودي صفات  المفتكر حالو كبير
وكل م الطفوله تشدّ فينا عالسّما
منضلّ نحنا تقال، مَ منقدر نطير

**

شكرا لمحبتك ولطفولة ردّك

28/07/2009

سلام

صدقت يا سوزان يا معلِّمة النقاء... ما فيه الناظر لهالوجه الملائكي إلا أنّو يستسلم لموجة الفرح والجمال  ويغرق بدوامة من نقاء بتنبع من هالضحكة الالهية

بيضحكونا وبيبكونا وبيعلمونا إنو قمة الحكمة... هي الطفولة

وانو مفتاح ملكوت السماء... يكون عنا روح طفل

يا رب تحميها وتحفظ جمال الطفولة بروحها

ولو صارت فوق الـ 100

28/07/2009

Eiad

شكرا لقلبك الطفل يا ليلى.

نعود إلى الطفولة عندما نترك السهرات الإصطناعية في الأماكن الصاخبة، ونجلس تحت سنديانة دهرية في مساء هادئ يطلّ علينا القمر فيه من بين الأغصان.

الأطفال نداء للعودة للإنسانية الصريحة البسيطة وغير المزيفة.

تحية لك يا ليلى وشكرا" لتعليقك

27/07/2009

ليلى

قرّرت وأنا في خريف العمر العودة إلى المدرسة لأتعلّم الكتابة وأتقن فنّ النقد الإيجابي وإلاّ لن أستطيع الخوض في تفاصيل قصائد بهذا الجمال.

الطفلة ملاك بثياب طفلة، والقصيدة عصارة محبّة.

حفظها الله وسلمت يداك يا دكتور

27/07/2009

Eiad

الولاد البعد مانشف عن جبينهن زيت الملكوت، والبعد عيونهن كل ما بتنفتح بتدفق سحر من الجنّه" هنّي رسايل من فوق للي تحت وصارو بنص الطريق ونسيو ذكرياتن بالسما ومضيعين طريق الروحه.

بيضحكو من كل شي وبيبكو من كل شي.. وبيضحّكونا وبيبكّونا وقت للي بدهن.

أكبر ملك بيحني تيبوس إيد طفل.. هيدا هوّي سر الطفوله والبراءة.

ياسوزان
دايما بتسبقي الصبح بزقزقة العصافير والمسا بهمس عطر الياسمين..

يديمك ويخليلك عيلتك هنيّه ويضلّ الفرح والسلام يكزدر بين قلوبكم.

وشكرا ع محبتك و ردك اللطيف

26/07/2009

سوزان ضوّ

وعاقدّ مايخبّـي

التـّلْج البرد

 بيدوب

لمّا تفرفكي دَيْكي

يمكن إيدين الولاد فيهن سرّ حتى بعزّ البرد بيبقو دافيين؟

إبتسامة جوليا بالصورة أصدق طريقة للتعبير، بدون أن تدري،  عن الفرح بالقصيدة.

الحياة الحلوة والعمر المديد للملاك الصغير، والله يخلليكن مجتمعين على المحبّة لتبقى البسمة زينة وجوه وقلوب ولادكن.