15/05/2009

Eiad

محبّتي لكم بعد انقطاع مؤقّت وقسري:

ليست الغرابة في الكتابة عن المحبّة، بل الغرابة هي ألاّ نكتب عنها. كلّ عمل لا تكون المحبّة تاجه لايدخل قصور الأبد.
أمّا علاقة الأكل بالمحبة فأبسّطها بما يلي: عندما أضمّ أطفالي لصدري أهتف لهم بعبارات

المحبة ومنها: " بدّي آكلكم أكل"

هكذا يهتف الكون / البحر للشمس كل مساء: بدّي آكلك

إنها المحبّة ياجولييت بفلسفتها الواضحة التي تنظّم هذا الكون الرهيب وتسيّره وفق عقارب ساعة الإله . حتى الإله ذاته يؤمن بعلاقة الأكل بالمحبّة ولذلك وضع نفسه في لقمة يتناولها الذين يحبونه كل أحد.
فالشمس ياحبيب هي قربانة،  يتناولها عالمنا كل مساء. فلا تقف في باحة الكنيسة بل ادخل وتذّوق طعم السماء.
وأجدها فرصة للعودة لملاحظة مفيد على قصيدة الأرض إذ يقول القمر لا يجوع. يا مفيد،  الأقمار أولاد لا يكبرون. حظّ القمر أنّ الأرض تبنّته ولداً لها، لم تقيِّده بالكليّة ولكنها لم تتركه سائبا كأولاد الشوارع . فهو يغيب قليلا، وعندما يجوع لحنان الأرض يعود بوجهه البريء إليها. إنه درس في أنّ المحبّة المعقلنة هي الحرية المنظمّة.

لكم جميعاً شكري وامتناني على تعليقاتكم المثيرة والمنشِّطة

م: أنا بخير والحمدلله ولاداعي للقلق ولا للتفاصيل ولا لإثارة الموضوع

إياد

11/05/2009

حبيب حبيب

إياد وين بتخلّينا نسافر؟؟؟

 قريت القصيدة كتير من بعد "التجربة" وفكّرت التجربة قبّة شعرك، وعدتا كتير شفتك قاعد فوق عجنب وكأنك عم تحضر سر التكوين وتوصفو عطريقتك

أمّا الصور:

البحر بيفتح تمّو وبيبلع الشمس وبفكرّا حبة بونبون

فاض البحر صلبان ودلق من القبّة

والسما بتوسع كل الانبيا وبتغصّ بمتنبي

المي ما بتقبل تخبّي

المي مرقت عضهر البركان وتركت بإسم الحب شكل حردّبي

(والنصيحة): لك فوت فوت يا مجنون البحر كبير غبّ لك العمر غبّة

صور!!!!!!!

 ولاّ ملاحم؟؟؟

شوف يا إياد هالشعر يلي رح يعيش هالمرّة ومارح يموت متل إيام زمان

لأنّو صار الشعر المحكي يتدوّن وينتقل عالألسن ما عاد ينمحا متل الأول

شوف هالنداء بالمحكية (لك) فوت يا مجنون يا مجنون البحر انفتح عبّي

كلمة(لك)  قدّيش في بقلبا معاني؟ فيّا النصح والعتب والأسف والتحفيز ولفت النظر وألف معنى.

لو كان الشطر- النداء بالفصحى رح يبدا مباشرة ب (يا مجنون) وتروح ال لك

هيدا توضيح متواضع اعذرني بعتقد أنّو الشعر المحكي ماعاد بدّو حدا يدافع عنّو وخاصة المغنّى منه دليل قوة

(شايف البحر شو كبير ... كبر البحر بحبّك (

بعد ألف سنة رح تبقى هالجملة المحكية تدافع عن حالا ويمكن ما تلاقي حدا يقول عنّا " كي بحكي"

عذراً وشكراً يا إياد لمبخرة شعرك، لاتوقفّا  

11/05/2009

سوزان ضوّ

بيفكّرا حبّه

صورة  حلوة كتير، بتقلب الطاولة وبتخللّينا نسأل: قولك الشمس مش هيي فكّرت حالا هلقد صغيرة وراحت تتخبّا ورا البحر؟

مين مينن كان معو حق؟

يمكن التنين غلطانين، وعم يلعبو لعبة ولاد زغار قبل ما ينفجر الكون مرّة تانية وما يعود في لا حدا يلعب، ولا حدا يتخبّا!!!!!!؟؟؟؟

10/05/2009

جولييت بدر

هالدهر بحر كبير

بس العمر

غبّه

أروع تعريف للعمر بالنسبة للدهر

ما قريت بزماني شعر محكي وفلسفي بنفس الوقت إلاّ بعد ما تعرّفت على شعر الدكتور إياد

رائع يا دكتور والأروع اللي بتكتبوه عن تاريخ وتفعيلات وقافية المحكي

ألف شكر إلكن

وتقديري لكل اللي شاركوا فيها