| جماليـــا : ثقافة , آداب , فنون |
From site: http://www.jamaliya.com |
| د. إياد قحوش | 17/07/2009 |
| الليل (2) هديي للشاعر الحواشي عدنان حلاوي د. إياد قحوش الليل خوري عم يضوّي نجوم بكنيستو ولابس العتمه هدوم وكانت قبالو شعلت القبّه لوما من البخّور رشّ غيوم منّو القمر بيطلّ عالجبّه قونة دهب فيها السهر مغروم كل ما ضحك بتعوم لِ مْحبّه وكل ما بكي مرْكب زعَل بيعوم الليل بيفضّي وبيعبّي حكايات لو بتّدوم.. ما بتّدوم.. قدّيش قلبو سرار بيخبي وقديش بيخبّي بقلبو هموم وبيعرف القشّه من الحبّه وبيعرف الظالم من المظلوم وبتفكّرو مرات متنبّي وبتفكّرو عاكتر ما بيحسّ بيعرف بالقيامه .. قبل ماتقوم *********** قال لي شاعر كبير بعدما قرأ قصيدتي "الليل": إذا بتكتب قصيدة تانية عالليل وبتطلع ما بتشبه الأولى بحسبلك ياها. وهيدي محاولة نشالله تعجبكون وتعجبو وماتكون بتشبه القصيدة الأولى. | |
|
Link: http://www.jamaliya.com/ShowPage.php?id=5457 |