جماليـــا : ثقافة , آداب , فنون |
From site: http://www.jamaliya.com |
جماليا | 16/04/2016 |
بستان مشتاق
يا شــــاعِر الْعايِـشْ بِألْواني وْ كِلْ لـــــونْ بيشِدَّك مِنِ التّاني تا صِرْتْ حِسَّـكْ نَهِـرْ حِرِّيّـه عَمْ يِمْرُقِ عْلَى وْجوه عِطْشاني
كـِلّ ما شْــــــــرِبْتــَـــك بـِـعَيْنـَـيـّي بِتـْـزَهّــر مْنِ جـــْـــــــديد أجْفــاني وْ كـلْ ما لْمَسْـــــــتــَــــك بإيديـّــي بِتْدوبْ صــــــابيعي بْشَمِعْداني
وْ كلْ ما بْتِمْــرُق مِـِتلْ غِنـّــيّه بِتـْــــحـَـــرّك الأوتارْ بسـْــتاني بِشـْـرَب وْ بِشْــرَبْ قدّ ما فـِيّي لا بْتـِــرْتِوي نـَحلاتْ إحْسَاسي ولا بْتِشْـبَع فـْراشات وجْداني * عصام يوسف *****
قــلم مكســـور
افْتَحْلي مَسامات العتِمْ تافوتْ.. وْإرْتــاح مابِتْساعْني بلادي
امْحيني بْ عَيطَه مِتِل سَطْر سْكوت تاإنقص بعمر الدّني زيادِه
وسَكِّر بْواب وْكِلّ عَشْر بْيوت نَكِّسْ صَليب وْمِدّ سِجـّـادِه
تَ يْشيل فيّي الصّوت بدّي موت انْكَسْرِت الحَسْكِه والْبُقـُو بْراده انْفِخْهُنْ عَ أوَّلْ مَفْرَق الوادي * إياد قحوش *****
|
Link: http://www.jamaliya.com/ShowPage.php?id=13188 |