الراعي المجنون

ياريتني راعي

كل يومْ بطْلَع عالجبل بكّير

وبرْجَع عشيّه بْنام

ويكون

عندي كوخ

مْعَرَّم عَ نهر زغير

وكلْ يوم شوف مْنام

عن ألله

وماشوف وجّي غير

بالبْحيره الصّافيه البَعْد الجبل لِ كْبير

..

وتدور من حولي الدّني

وماتْهمّني الإيام

ولايهمّني شوصار

ولاشو للّي بدّو يصير

..

وبَس موت بُكرا

تحت سَجْره

عم تْخَرْبَش عالمدى

مايزعل عليّي حدا

غير الشّتي

وتْغِطّ حدّي جوْقة عْصافير

تْلَمْلِم صَدى

مِنْجَيْرتي

وتْطير.