دعسات إمّي

وجّك كأنْو سجْرة الميلاد

 و دَيكي كأنو كْتاب عن الله 

 هالدّرفتَين البيض مِن باب السّما

 قدّامْهن مجْد الزّمن صلّى

 ديكي كأنو بْلاد 

 أحلى وأغلى بْلاد

 متِل دجله والفرات 

 ضاعو بصحرا والْتقو بْبغداد

 والحضن ليلة عيد

 سهل وْرَكَدْ .. لمّ الدني مْن بْعيد

 صوتك عرِس 

 صبْحك خْوابي نبيد

 بيركد خيالي بالِكْروم وْلاد

 بشوف السِّنين جْداد

 عاقدّ ماشوق العمر بيشدّني عْليكي

 عم لَمْلِم الدّعسات

 مَطْرح ماكانت تِمْرُق جْريكي

 مْرَقنا دْروب كْتير

 صارو الدْروب بْعاد

 يمكن المَرْقَه مابقى تِنعاد

 وجّك كأنْو سجْرة الميلاد

 و دَيكي كأنو كْتاب عن ألله 

 هالدّرفتين البيض منْ باب السما

 قدامهن مَجد الزمن صلّى

*

استمعوا إلى الأغنية

بصوت الفنان ميشيل أيوب

دعسات إمّي